بِسْمِ اللهِ الْرَّحْمَنِ الرَّحِيِمِ

الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ

تسلمون اخواني على هذا الزهيري الرائع

واهديكم هذا الزهيري

ياصاح مايوم جدمك بالوصل هم اللي

شبه الجبال الرواسي عالكلب هم الي

ياعين جودي ابجاج او بالدمع هملي

من حيث ماظل صديج اللي بعد ينطره

دنياي ليلي او فجري ياوكت ينطره

ياترف ذجرك عليه ابكل وكت ينطره 

         انته الك الله وانه الخالجي هم اللي

اخوكم ابو علاء الخفاجي

شيعي موالي

دعوة أصدقائك في نور الإسلام لمشاهدة هذه المشاركة

تنبيه المشرف على المشاركة

   الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ

حقيقة انا ما عندي كلام غير ان شعر راسي وقف ههههه

يعني من حقي اذا صابني احباط وانكسار وتحطم ما انلام

    مشوارك طويل حيل يا عباس انا احسن لي اعطي الخباز خبزه وانا اقعد اكل ( يعني الشعراء يكتبون وانا اقرا )

 تفولولي اقرا موال الزهيري عشان اموووووت ههههههههههههه حرام والله ما تعرفون بالاحساس الي انا قاعد احسه حاليا ، انا قالولي اترك شعرك البعروري بس ما صدقت ههههههههههههههههههههههههه

دعوة أصدقائك في نور الإسلام لمشاهدة هذه المشاركة

تنبيه المشرف على المشاركة

بِسْمِ اللهِ الْرَّحْمَنِ الرَّحِيِمِ

اطلعت الآن على هذا الموضوع القمة

والله موالاتكم كنز أشوفها حروف من ذهب

أتمنى أن أطور ولو البسسسسسيط مما لدي من توااااااضع وضعف في المستوى

بارك الله بمساعيكم ، ومن أنا لكي أمدحكم ؟؟

شعوري الآن مبهج جدا بروائع ما قرأت

دعوة أصدقائك في نور الإسلام لمشاهدة هذه المشاركة

تنبيه المشرف على المشاركة

التـوقـيع

احب ان اشارككم بهذا الموال وارجوا القبول ان شاء الله

لتلوم ياعاذلي او لا لا تعصب عليِّ

ميهمني حجيك ابد وانجان صوتك علي (( عالي ))

تتلعثم او تنخبص من اصرخ ابياعلي

صرخه اباسم حيدره اتزلزل كيان الارض

وانبيد كل العدى واصدور الهه الارض (( نرض ))

تعرفنه سبع السمه اوتعرفنه سبع الارض

لو يوم مسنه الزعل نطبقهه صرخه ابعلي

دعوة أصدقائك في نور الإسلام لمشاهدة هذه المشاركة

تنبيه المشرف على المشاركة

 بِسْمِ اللهِ الْرَّحْمَنِ الرَّحِيِمِ

الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ

تسلم الأيادي المباركة على المشاركة القيمة ممكن اشارك مع احترامي للشعراء

حملك ربك حجر والكربلة راس اله

تحرس وتد بالارض ربك بها راس اله

ونحز وريد السبط وبيها انرفع راس اله

وياطير شنهو الذي عن نصرتة صداك

معدنك ادري حسن شنهو الذي صداك

لو اكو من ضللك لو اكو من صداك

ومن ال امية ثبت من ضللك رس اله

هذا البيت محاكاة لطير الابابيل مع التقدير

دعوة أصدقائك في نور الإسلام لمشاهدة هذه المشاركة

تنبيه المشرف على المشاركة

 }ردته إلي عون تالیها طلع فرعون {

 }جبت الحيايه عله ايدي وعضَّتني {

***

سِلَّـک سَـلاني وبگيت اهـواک وَعْضَتني

وشکثـر عن سچِّـتک وعّـاض وِعْضتني

ماخَذِت بالمـوعضه للشـوگ وَعْضَتني

وِکْريت إلک ياترف روض الحشه فرعون

وجـروحي إلک خَضَّرن مَد وجَزِر فرعون

} ردتک إلـي عـون تاليها إطْلَعت فرعون{  

 }جبت الحيـايه علـه إيدي وعَضَّتني {

_______________________________________

·        وعضتني :أي بمعنی أنتظرُوعظَ الهوی

·        وعضتني:نَصَحتني الوعّاظ

·        وعضتني:من العظ عضضت شوقي أي القبض علی الشئ بالاسنان

·        فرعون: مُحرَّفه 0أصلُها (فرعن)ترکتُ لَک الحَشی فاراً  عنه

·        فرعون :  فرعَين

·        فرعون :اردتک عوناً لي فاتضحَ عکس ذلک

·        وعضَّتني : الحيّاتُ عضَّتني 

المَـثَل:

 }النَفْس الدنيَّه توگِّع گِدَر راعيها{

***

نفسک دِنيـَّه وطُـفَـح ياصـاح راعيها

والذيـب غَـط الغَنَم لـو جِفَل راعيها

إلجِمْهـا بـالمستَحـه وبالصبر راعيها

لتگـول مـا لـي صبر عالصبـر غيرک گِدَر

ثوب الحَيا والخَجَل فصله إعله طولک گِدَر

ومـا بيـن هالمجتـمع خَلِّـي النَفْسَک گِدر

·        راعيها .. الرِعِي)هو نوع من الفَضَلات لدی الاغنام0

·        راعيها : راعي الاغنام0

·        راعيها : من المراعات0

·        گِدر : إسْتَطاع0

·        گِدَر : المًقاس او القِیاس0

·        گِدَر : بمعنی قَدْر0

·        راعيها : صاحبُها0

المَـثَل:

 } بِرْجيلْها ما حضَت لا خَذت سيد علي {

  }إسمـه بـالحَصـاد ومنجلـه مکسور{

***

همِّـي إعله يَذبُل رِگه طوفان سيله علي

کـل الرفـاگـه جِفـوا أَصبَح طبعهُم عِلي

لـوم وشماتـه وغُـرُب ملتمه کلها عَلَي

طوَّگ رگبتي إبْشَرک چف الدهر مِنْجَلي

ومـن نايبـات الوکت ما ضِن بعد مَنْجَلي

}إسمـي ابحصاد إنکتَب والمنکِسِر مِنْجَلي{

·       علي : عالي0

·       عِلِي : عِلْجْ0

·       علي:عَلَيَّ أي ضدِّي

·       منجلي : عندما جائني0

·       منجلي : مَنجي ليي

·       منجلي : منجل0

·       علي : أردتُ بهِ الإسم0

مـع خالص تحياتي ووافـر تقديري للجميع

                     أخوکم أبو ياسر الکعبي

دعوة أصدقائك في نور الإسلام لمشاهدة هذه المشاركة

تنبيه المشرف على المشاركة

 لسيدي و مولاي ابو الفضل العباس عليه السلام
////////////
واضح حجي المشرعه ماكو بحجيهه ابهام
نقلت اخبار البطــــل باللحظه هـــام بهــام
كالت شجاعة علي لابســــهه تـــاج بهـــام
و من سال دمع النهر جف صارمه كَفّـــــه
كِفه الرجوله خَذَت عباس اخــــذ كِفـــــــه
بيوم الحِمَل عالعـــــدو و زنده انكطَع كَفه
بلا بصمه جان الوفه و كَفه الصبح له ابهام
.......
تحياتي للجميع

دعوة أصدقائك في نور الإسلام لمشاهدة هذه المشاركة

تنبيه المشرف على المشاركة